Ljóð - 18

Frá Reykjanesi fjöllin fögur bláu Guðmundur R Lúðvíksson – Lag og ljóð. 02.10 2009 Demó   Frá Reykjanesi fjöllin fögur bláu, í fjarska glitra ljós úr Reykjavík. Snæfellsjökuls tindar himinn háu, hafið speglar landsins rómantík.   Á mosavöxnum steini fuglinn syngur, sumarið víst kom til lands í dag. Á hæsta tindi stendur heimspekingur sem gefið hefur landi sínu lag.   Frá Grindavík og Garði, inn í Voga, gengu vaskir menn á fyrri tíð. Og kona kunni þá að láta loga, lengi í ástareldi, heit og blíð.   Á næturhimni norðurljósin lýsa, þá nýt ég þess að ganga einn með þér. Á Reykjanesi borgir munu rísa, og ráðgóð gengur þú við hlið á mér.   Frá Sandgerði í Keflavík, og Voga, gengu vaskir menn á fyrri tíð. Og kona kunni þá að láta loga, lengi í ástareld, heit og blíð.   Frá Reykjanesi fjöllin fögur bláu, í fjarska glitra ljós úr Reykjavík. Snæfellsjökuls tindar himinn háu, hafið speglar landsins rómantík.

Ljóð - 17

Dönsum jólalag. Demó   >>>      Ég horfi yfir hafið      og hugsa blítt til þín,       sem fiskinn okkur færir.     Í faðm minn kom til mín.   Þá skal ég ljóðið syngja sem svæfði þig sem barn, og jólaklukkur klingja við kaldan vetrar hjarn.    Og við dönsum, og við dönsum og við dönsum jólalag. Og við dönsum, og við dönsum og við dönsum fram á dag.   Loks höfum þig  heima þá hátíð fegurst er, en góði ekki gleyma að Guð er líka hér.   Og við dönsum, og við dönsum og við dönsum jólalag. Og við dönsum, og við dönsum og við dönsum fram á dag.   ... 24. sept 2009

Ljóð - 16

Tengda-sonurinn !   Tengdasonur lætur eins og trúður  takt á bassa slær´ann búmm búmm bimm. Talar hann sem trompet, nikka og lúður og túllan lokar -  á slaginu kl. fimm.   Veit ekki hvort í svefni kauði hrýtur og kalli ææ ó - ææ ó. Rosalegur er þessi rosa naglbítur rosalega æ æ æ og ó.   Hann þorir ekki við sinn tengd að tala tjá sig eins sóma mönnum er. Í stað þess er eins og belja undir bala og bjalla í grænu krækiber.   Búmm búmm bimm, bimm bimm búmm.

Ljóð - 15

Verður frumflutt 3. september 2009 á tónleikunum " Ljósanætur lokka "

Hæ góði Guð !   Guðmundur R Lúðvíksson ág. 2009 Til minningar um G. Rúnar Júlíusson frá Keflavík    Hæ góði Guð, ég gjöf færi þér. Frá börnunum í bænum, sem bjargfast trúa þér.   Þau trúa því og treysta, að þú takir þennan vin. Og gefir honum geisla, svo glói himininn.   Æ, góði Guð, gerðu það fyrir mig. Að setja nýja stjörnu á stallin þér við hlið.   Ný stjarna á himnum hátt og skært nú skín. Ný stjarna á himnum hátt og skært nú skín.

Ljóð - 14

Birta Afa dóttir

Ástin er undarleg. Samið lag og ljóð; 07.03. 2009 Guðmundur R Lúðvíksson     Ástin er undarleg - með ótal leyndarmál engin veit hvar hún er falin - í þinni sál. Sumir segja að hún hafi liti - lokki allt til sín læðist með veggjum - sé lúmskari en vín.   Ástin er allstaðar - enginn hana sér endalausum heilabrotum - hefur valdið mér. Hún vakir alla daga - veldur maga sting víst hefur mörgum snúið - upp og í heilan hring.   En allir vilja hana hafa – ást í brjóst sér helst þó meira en mikinn helling – og mest þó handa þér.    07. mars 2009

Ljóð - 13

Draumar dansa.   Draumar mínir dönsuðu á skýjum daginn fyrir afmælið þitt. Ég hlustaði í faðmi þínum hlýjum hjarta þitt slá í takt við mitt.   .....    01. mars 2009

Ljóð - 12

Mynd í hjarta ber.   Hvert sem ég um heiminn fer, ávalt ert í huga mér. Mynd af þér í hjarta ber, af þér hjá mér.   Hvert sem liggur okkar leið, um ókunn lönd og höfin breið. Mynd af þér í hjarta ber, hjá mér af þér.   Ekkert okkur skilur að, skjól í mínum hjarta stað. Ég lít á þessa mynd af þér, hjá mér af þér.    24. feb 2009

Ljóð - 11

Tvær dætur Sigurbjörg & Lovísa

Ljóð til dætra minna.   Ég þakka kveðju þína um jólin, þótt kortið hafi ekki borist enn. Megi Guð og gæfa gefa þér jólin sem sætt hefur konur og menn.    28. des 2008

Ljóð - 10

Fagurt syngur fugl. Fagurt syngur fugl í garði mínum, senn fer hann á vængjum yfir haf. Löngum ég hef dáðst á lögum þínum, og ljóðin bera öllum öðrum af.   Ég mun syngja þína söngva í vetur , og spora leita eftir þig um allt . Ég vildi að þú hefðir vetursetur , þá væri lífið ekki svona kalt. ...                                                                                   12. september 2008

Ljóð - 9

Afa strákur Pétur Garðar

Barnið og ég. Mig langar í hönd þína að halda, um heimsins ólgu sjó. Gefa þér þúsundfalda, þá ósk er æsku mér bjó.   Að kærleik þú kunnir að finna, sem kveikir öll stærstu bál. Að vinátta er endalaus vinna, hið vonda beittara en nál.   Og mundu að gott er að gefa, það góða sem í þér býr. Að Guðsvegi aldrei skalt efa, og elska öll lifandi dýr.   Hvert sem lífið þig leiðir, þá lofar þú mér nú. Að götur annars greiðir, og gangir á vegsins trú.   ...                                                                                   18. ágúst 2008

Ljóð - 8

Ljósin í bænum. Bærinn ljómar af fallegum ljósum, sem lýsa upp götur, garða og hús. Skuggarnir teygja svartklæddum rósum, í skoti er drengur að þiggja létt knús.   Ástfangin leiðast þau saman á enda, í augunum blikar umhyggja og þrá. Þau leyfa ljósunum sér að benda, á lífsveginn vona sem elskendur fá.   ...                                                                                   17. ágúst 2008

Ljóð - 7

Týnd börn. Biljón börn á eikinni híma og biðja um hjálp á þessari jörð. Þau spyrja hvorki um stund né tíma sjálfan Guð, hans dásemdar gjörð.   Þau aðeins vilja leika og lifa, loka augum og vakna södd. Flest þau deyja og Drottni skrifa, því vorum svo ung til þín kvödd ?   Horfðu bara í augu barnsins bjóddu því hlýjan faðminn þinn. já, í faðminn þinn, já í faðminn þinn.   Ertu tilbúinn ? ...                                                                                   14. ágúst 2008

Ljóð - 6

Ég finn. Ég finn,  að í vorinu vængirnir þínir fljúga, að vorblærinn gefur þér frelsi og mátt, að blóm um lokkana bærast og smjúga , að barnið í þér - þið lifið í sátt.   Ég finn,  að í regninu ratar hver einasti dropi, að regnbogar vefja sig utan um mig, að draumar deyja sem síðasti sopi að dáleiddur haldi ég fastar um þig.   Ég finn,  að í haustinu hjartað þitt tifar af vonum, að hamingjan felst á bak við brosið þitt, að allt sem þú gefur, ætlað er Guði og honum, að grátur þinn særir svo hjartað mitt. ...                                                                                   13. ágúst 2008

Ljóð - 5

Sumarendir. Senn fer sumri nú að ljúka og skólar allir hefja störf. Börnin bækurnar þá strjúka, og bæta í visku sinnar þörf.   Góðvinir þá gleðjast saman ganga prúð, öll í röð. Hverju segja,hve var gaman og hrópa nú, vér erum glöð. ...                                                                                   12. ágúst 2008

Leikur. Eitt sumarkvöld í sveitinni sá ég mann og hund. Togast á og taka sprett, í túni rétt við Lund. ...                                                    10.ágúst 2008